Yeng Guiao, legasiya ng Pampanga sa unang distrito

Sa punalat ni Angelo Blanco

Sa Hulyo a uno. Ganap na iiwanan ni Joseller ‘Yeng’ Guiao ang Sangguniang Panlalawigan. Bakit saan siya pupunta? Una, tapos na ang kanyang termino. Pangalawa, uupo at manunumpa na siya bilang halal na kinatawan ng Unang Distrito. Ne po? Siya ang magdadala ng pagbabago sa unang distrito at mag-aambag ng mga panukalang batas sa kongreso. Ne po? Oo, nga ano? Wow!!! Ang galing naman ni Yeng Guiao.

Iiwanan ni Yeng Guiao ang kanyang legasiya bilang naging board member at bise-gobernador sa loob ng tatlong termino. Mag-iiwan si Yeng Guiao ng isang makulay na kasaysayan sa paghubog ng mga ordinansa at resolusyon na nagsulong sa mga programang pangkaunlaran ng lalawigan at paglaban sa katiwalian kahit sinoman o gaano man kalaki ang tamaan.

Lubhang napakalaki ng mga naiambag ni Yeng Guiao sa pagsulong ng lalawigan. Una, naging krusada ni Yeng Guiao ang paglaban sa katiwalian sa panahon ng panunungkulan ng mag-amang Lapid sa pamahalaang panlalawigan. 

Kung ating natatandaan ang programang computerization noon sa panahon ng nakaraang Lapid administrasyon. Animo’y isang tigreng umuungal na nagpuyos ang damdamin ni Yeng Guiao sa nabigong P50-million  Provincial Geographic Information Service (PGIS) —  isang proyekto sa ilalim ng build-operate-transfer (BOT) na kinontrata ng pamahalaang panlalawigan sa panahon ng dating Governor Mark Lapid.

Isinisigaw ni Yeng Guiao na hindi nag-operate ang Geodata at hindi  ito pinakinabangan  kailanman simula nang ito ay lumitaw sa unang mga buwan ng 2005 matapos pagtibayin ng provincial bids and awards committee ang kanilang ‘unsolicited propoasal’.

“I made sure that the board would be aware that the whole project was detrimental to the provincial government. But I was outvoted during the discussions then. True enough, so many years have passed and after paying the amount of P49 million of the P50-million contract, not a bit of return to the provincial government could be seen,” ito ang ilan sa mga matapang na pahayag noon ni Yeng Guiao.

Ang masama nito ani Yeng Guiao, ang mga taong nag-endorso sa proyekto ay nanahimik at hindi nakasagot sa mga tanong kung bakit nagbayad ng P49-million sa Geodata ang kapitolio samantalang sinasabi sa kontrata na ito ay dapat na ‘progress billing’. Ibig sabihin sa bawat pagtatapos na bahagi ng proyekto lamang ang pagbabayad o ‘each phase of the project’.

Subalit ani Yeng Guiao sa lahat ng ‘delivery and collection’ ay wala aniya siyang nakitang anumang bakas ng isang operational na PGIS sa kapitolio. 

Kaya naghain noon ng kaso si Yeng Guiao sa Ombudsman laban sa Geodata at sa mga opisyales ng kapitolyo na may kinalaman sa kaso.

Alam mo, Angelo, napakapalad ng unang distrito, si Joseller “Yeng” Guiao ang kanilang magiging kinatawan sa kongreso. Matapang, matalino at may puso para sa tao at sa gobyerno.

Si Yeng Guiao, isang tahimik at seryosong tagapaglingkod dahil ganoon ang kanyang nakaugalian o karakter na kadalasan ay nabibigyan ng hindi magandang pakahulugan ng mga hindi talagang nakakakilala sa kanya. Pero kung ating aalamin kung sino si Yeng Guiao, ikaw ay mapapawow dahil sa mahusay magdala ng pamilya, ng kanyang laban sa PBA at sa tunay na buhay.

Sa kaibuturan ng puso ni Yeng Guiao naroon ang hindi maitatagong pagmamahal sa kapwa at sa bayan, pagmamalasakit para sa kaunlaran ng mga Kapampangan at tapang laban sa masama at katiwalian. Kaya nga, ang tawag kay Yeng Guiao ay "Mr. Consistent. Matatag ang paninindigan mula noon hanggang ngayon pati na sa mga darating pang panahon.

Si Yeng Guiao ay may pangarap para sa kinabukasan. May mga nakahandang pamamaraan para makamit ang mga pangarap para sa lalawigan at sa distrito na kanyang pangungunahan sa mababang kapulungan ng kongreso.

Si Yeng Guiao ang pamana at legasiya ng Pampanga para sa unang distrito. Kaya, uulitin ko, sulit ang boto mo kay Yeng Guiao, wow na wow!

Sa susunod na pitak, gagawin natin ang pagbabalik-tanaw sa mga nakaraang katiwalian sa industriya ng buhangin sa ilalim ng administrasyong Lapid.